Длужносци у Скупштини
- Подпредсидатель Скупштини Автономней Покраїни Войводини
Контакт
e-mail: bmitrovic@skupstinavojvodine.gov.rs
Тел: 021/487-4138
Факс: 021/456-107
Биоґрафия
Бранимир Митрович народзени у Зомборе 1953. року.
По занїманю є адвокат.
Основне образованє и Ґимназию закончел у Зомборе. Правни факултет закончел у Беоґрадзе, положел правосудни испит у Беоґрадзе. По занїманю є адвокат зоз шедзиском адвокатскей канцелариї у Зомборе.
Ма 32 роки роботного стажу.
Бешедує по анґлийски и по русийски.
Член є Ґ 17+ од снованя. У рамикох странкових активносцох окончовал вецей роки руководзаци функциї у општинскей орґанизациї, а моментално є подпредсидатель Покраїнского одбору Ґ 17+.
У рамикох професионалней дїялносци, вецей роки ше занїмал з музичну уметносцу, дзе здобул формалне образованє у класи клавира и то як снователь и член ансамбла за вчасну музику Музика Антиква з Беоґраду. По законченю уметнїцкей дїялносци почал адвокатску кариєру и занїма ше з виновно-правну защиту, як и зоз скоро шицкима обласцами цивилног права.
З адвокатску праксу ше предлужел занїмац у мири яка нє приведзе до зраженя интересох з положеньом подпредсидателя Скупштини АПВ. Член є Скупштинскей Адвокатскей комори Войводини и єй представитель у Скупштини Адвокатскей комори Сербиї.
У штреднєй школи и на студийох ше активно занїмал з плївацким и ватерполо спортом, же би у рамикох дружтвеного дїйствованя окончовал функцию предсидателя Плївацкого клубу "Полєт" зоз Зомбора, а у другим мандату є дисциплински судия Плївацкого союзу Сербиї. У календарским 2008. и 2009. року окончує функцию предсидателя "Ротари интернационал" клубу у Зомборе, у рамикох чийого дїйствованя ше витворює гуманитарна помоц заєднїци.
Оцец є двоїх дзецох од 19 и 16 роки.
|
