Длужносци у Скупштини
- Предсидатeль Скупштини Автономней Покраїни Войводини
Биоґрафия
Шандор Еґереши народзени 25. юния 1964. року у Бачкей Тополї. Оженєти є, ма двох синох. Основну и штредню школу закончел у Бачкей Тополї, после чого студирал на Правним факултету Универзитета у Новим Садзе.
На початку дзеведзешатих рокох прешлого вику бул активни учашнїк и орґанизатор мировних рухох у Войводини (мировни концерт у Бачкей Тополї, орґанизованє антивойновей петициї, парламентарна активносц).
Член є Союзу войводянских Мадярох од його снованя. У вецей мандатох окончовал рижни партийни функциї (подпредсидатель, член Предсидательства, член Совиту, предсидатель Совиту и предсидатель Општинскей орґанизациї СВМ у Бачкей Тополї). Посланїк є у Скупштини АП Войводини. Гражданє Бачкей Тополї му шейсц раз указали довириє, свойо пейц предходни мандати у Скупштини АП Войводини достал по векшинским принципе. Од пейцох мандатох, у трох бул посланїк опозициї.
Од 23. октобра 2000. року окончує длужносц подпредсидателя Скупштини АП Войводини, задлужени за медзинародне и реґионалне сотруднїцтво и проблематику меншинских питаньох. Бул активни орґанизатор и учашнїк вецей медзинародних конференцийох, совитованьох и манифестацийох, медзи иншима Дунайскей конференциї и Самиту реґионох и городох Европи у Вроцлаве, Медзинародного кампу толеранциї у Бачкей Тополї и других.
Предсидатель є Управного одбору Фондациї Дунайского бироа у Новим Садзе.
Член є Медзинародного инициятивного координацийного цела за снованє Дунайскей еврореґиї.
У родимей Бачкей Тополї бул одборнїк Скупштини општини од 1966. по 2008. рок и предсидатель Мадярскей културней заєднїци "Золтан Кодаль" од 1996. по 2001. рок.
По националносци є Мадяр, себе трима за "Топольчаня, Войводяна и Европяна".
Коло мадярского и сербского язика, бешедує и по нємецки.
Контакт
Тел: 021/422-277
Факс: 021/456-141
www.predsednikskupstine-apv.rs
Скупштина Автономней Покраїни Войводини
Владики Платона бч
21000 Нови Сад
Кабинет предсидатeля
|
