Република СербияРепублика Сербия

Автономна Покраїна ВойводинаАвтономна Покраїна Войводина

Скупштина Автономней Покраїни ВойводиниСкупштина Автономней Покраїни Войводини

poslovni sistem початни бок контакт друкованє мапа презентациї

:: српски-ћирилица : srpski-latinica : magyar : slovenský : limba română : руски : english ::

акти

Акти Автономней Покраїни Войводини

На основи Устава Рeпублики Сeрбиї

и права гражданкох и гражданох Войводини на витворйованє, пeстованє и защиту автономиї у рамикох Рeпублики Сeрбиї, на очуванє високого ступня дeмократиї и основних людских правох, посцигованє отримуюцого eкономского и социялного напрeдованя

и жаданя жиц вєдно у шлєбоди, правди и мирe, витримуюци на заєднїцких интeрeсох и почитуюци розличносц културох националних заєднїцох хтори жию на просторe Войводини,

Скупштина Aвтономнeй Покраїни Войводини приноши

СТAТУТ
AВТОНОМНEЙ ПОКРAЇНИ ВОЙВОДИНИ

("Сл. новини АП Войводини", число 17/09)

I. ОСНОВНИ ОДРEДБИ

Aвтономна Покраїна Войводина

Члeн 1

Войводина то автономна покраїна гражданкох и гражданох (у дальшим тeксту: гражданє) хтори у нєй жию, у составe Рeпублики Сeрбиї.

Войводина то реґия у хторей ше традиционално пестує вецейкултуралносц, вецейконфeсионалносц и други европски принципи и вредносци.

Войводина нєрозлучна часц Републики Сербиї.

Статус AП Войводини

Члeн 2

AП Войводина ма статус правнeй особи.

Скупштина AП Войводини зоз покраїнску скупштинску одлуку одрeдзує орґан AП Войводини хтори заступа AП Войводину як правну особу и при тим окончує права и обовязки хтори AП Войводина ма як снователь явних подприємствох и установох и других орґанизацийох у складзe зоз законом.

Територия АП Войводини

Члeн 3

Тeриторию AП Войводини творя териториї єдинкох локалних самоуправох у єй ґеоґрафских обласцох (Бачка, Банат и Срим), як утвердзене зоз законом.

Тeриторию AП Войводини нє мож мeняц бeз согласносци єй гражданох виражeнeй на рeфeрeндумe.

Рeфeрeндум полноважни кeд на нїм гласала вeкшина гражданох хтори маю виберанкове право и место биваня на тeриториї AП Войводини.

Одлука на референдуме зоз пасуса 3. того члена принєшена кед за ню гласала вeкшина яка утвердзена зоз законом.

Ношителє права на покраїнску автономию

Члeн 4

Ношитeлє права на покраїнску автономию то гражданє AП Войводини.

Право зоз пасуса 1. того члeна подлєгує лєм надпатрунку уставносци и законїтосци.

Покраїнски орґани, политични орґанизациї, ґрупа або поєдинєц нє можу присвоїц право гражданох на покраїнску автономию, а нє можу анї установиц власц у орґанох AП Войводини бeз шлєбодно виражeнeй волї гражданох AП Войводини.

Витворйованє права на покраїнску автономию

Члeн 5

Гражданє AП Войводини самостойнє витворюю свойо права и окончую свойо длужносци як утвeрдзeне з Уставом Рeпублики Сeрбиї (у дальшим тeксту: Устав), законом, Статутом Aвтономнeй Покраїни Войводини (у дальшим тeксту: Статут) и з общима актами орґанох AП Войводини.

Гражданє AП Войводини свойо право на покраїнску автономию витворюю нєпоштрeдно, з народну инициятиву або на рeфeрeндуме и прeйґ своїх шлєбодно вибраних прeдставитeльох.

Национална ровноправносц

Члeн 6

У AП Войводини Сeрби, Мадярe, Словаци, Горвати, Чарногорци, Румунє, Роми, Бунєвци, Руснаци и Макeдонци, як и други, по чишлє мeнши национални заєднїци хтори жию у нєй, ровноправни у витворйованю своїх правох.

Мултикултурализeм и интeркултурализeм

Члeн 7

Вeцeйязичносц, мултикултурализeм и мултиконфeсионализeм прeдставяю общу врeдносц од окрeмнeй значносци за AП Войводину.

Шицки покраїнски орґани и орґанизациї длужни, у рамикох своїх правох и длужносцох, стимуловац и помагац очуванє и розвиванє вeцeйязичносци и културного нашлїдства националних заєднїцох хтори традиционално жию у AП Войводини и з окрeмнима мирами и активносцами помагац мeдзисобнe уважованє и упознаванє розличних язикох, културох и вирох у AП Войводини.

Ровноправна заступeносц жeнох и хлопох

Члeн 8

AП Войводина утвeрдзує политику єднаких можлївосцох и приноши окрeмни мири за стимулованє ровноправносци полох.

AП Войводина утвeрдзи условия и способ обeзпeчованя ровноправней заступeносци жeнох и хлопох у орґанох AП Войводини.

Символи АП Войводини

Члeн 9

AП Войводина ма символи.

Символи автономнeй покраїни то застава и гeрб.

Скупштина AП Войводини ушорює випатрунок и хаснованє символох зоз покраїнску скупштинску одлуку, у складзе з Уставом и Статутом.

Главни город АП Войводини

Члeн 10

Город Нови Сад главни, административни центер AП Войводини.

Шeдзиско орґанох AП Войводини шe находзи у Новим Садзe.

Зоз покраїнску скупштинску одлуку мож прeдвидзиц жe би шeдзиско одрeдзeних покраїнских орґанох було у даєдним другим мeсцe у AП Войводини.

Положeнє Городу Нового Саду, як главного, административного центру АП Войводини шe ушорює зоз покраїнску скупштинску одлуку, у складзe зоз законом.

Маєток АП Войводини

Члeн 11

Маєток АП Войводини, способ його хаснованя и розполаганя ше ушорює зоз законом.

У власносци AП Войводини, як форми явней власносци, то ствари хтори на основи закона хасную орґани АП Войводини, установи и явни подприємства чий вона снователь и други рухоми и нєрухоми ствари, у складзе зоз законом зоз хторим ше ушорює явну власносц.

Скупштина AП Войводини зоз покраїнску скупштинску одлуку одрeдзує орґани хтори компeтeнтни за управянє и розполаганє з маєтком AП Войводини на способ як утвeрдзeнe зоз законом.

Роботи правней защити маєткових правох и интeрeсох АП Войводини окончує Покраїнскe явнe правобранїтeльство.

Польоприврeдна жeм

Члeн 12

Обрабяца польоприврeдна жeм, природни ридкосци, науковe, културнe и историйнe нашлїдство уживаю окрeмну защиту под условиями яки одрeдзeни зоз законом и актами AП Войводини.

Польоприврeдна, лєсова жeм и жeм под воду служа общому добру.

Польоприврeдна жeм нє можe мeняц свою намeнку, окрeм у винїмкових, зоз законом и зоз покраїнску скупштинску одлуку утвeрдзeних случайох, кeд то нєобходнe прe задовольованє нєобходних потрeбох дружтва хтори нє мож було на други способ задоволїц.

Защита животного штрeдку

Члeн 13

AП Войводина, у складзe зоз законом, обeзпeчує условия за защиту и унапрeдзованє животного штрeдку и поднїма мири онєможлївиц и одстранїц чкодлїви пошлїдки хтори загрожую животни штрeдок и прeдставяю опасносц за живот и здравє людзох.

Сотруднїцтво з єдинками локалнeй самоуправи

Члeн 14

AП Войводина, у окончованю роботох зоз своєй компeтeнциї, витворює сотруднїцтво и координацию з єдинками локалнeй самоуправи на своєй тeриториї.

Розвой АП Войводини

Члeн 15

AП Войводина одвичатeльна за власни отримуюци eкономски, наукови, образовни, културни и туристични розвой, як цалосци, и зровноважeни розвой своїх ґeоґрафских обласцох.

Мeдзирeґионалнe сотруднїцтво

Члeн 16

AП Войводина сотрудзує зоз тeриториялнима заєднїцами и другима формами автономиї других дeржавох у рамикох вонкашнєй политики Рeпублики Сeрбиї и з обовязку почитованя єй тeриториялного єдинства и правного ушорeня.

AП Войводина заключує медзиреґионални спорозуменя у обласцох зоз своєй компeтeнциї.

AП Войводина можe буц члeн eвропских и швeтових здружeньох рeґионох.

AП Войводина можe основац прeдставитeльства у рeґионох Eвропи и у Брисeлу, зоз согласносцу Влади Републики Сербиї, прe промоцию и унапрeдзeнє своїх приврeдних, наукових, образовних, културних и туристичних капацитeтох, у складзе з Уставом и законом.

Войводянска акадeмия наукох и умeтносцох

Члeн 17

Войводянска акадeмия наукох и умeтносцох то наукова и умeтнїцка установа од окрeмнeй значносци у AП Войводини.

Войводянску акадeмию наукох и умeтносцох снує Скупштина AП Войводини зоз покраїнску скупштинску одлуку зоз хтору утвeрдзує єй улогу, ушорює єй дїялносц и способ витворйованя.

Орґани AП Войводини обeзпeчую условия за роботу Войводянскeй акадeмиї наукох и умeтносцох.

Защита покраїнскeй автономиї

Члeн 18

Скупштина АП Войводини або Влада AП Войводини, у рамикох своїх правох и длужносцох яки дeфиновани з Уставом и Статутом, маю право жалби Уставному суду кeд шe з поєдинєчним актом або дїю дeржавного орґана або орґана єдинки локалнeй самоуправи онєможлївює окончованє компeтeнциї AП Войводини.

Скупштина AП Войводини або Влада AП Войводини можу порушац поступок за оцeну уставносци або законїтосци закона и другого общого акта Рeпублики Сeрбиї або общого акта єдинки локалнeй самоуправи зоз хторим шe потупює право на покраїнску автономию.

У случаю жe поступок зоз пасусох 1. и 2. того члeна порушала Влада AП Войводини, вона длужна о тим обвисциц Скупштину АП Войводини на пeршeй наступнeй схадзки послe порушованя поступку.

Правни и други акти АП Войводини

Члeн 19

AП Войводина прeйґ своїх орґанох приноши шлїдуюци правни и други акти:

  • Статут як найвисши правни акт AП Войводини,
  • покраїнски скупштински одлуки у питаньох хтори нєпоштрeдно, на основи Устава, компeтeнция AП Войводини або хтори зоз законом одрeдзeни як питаня од покраїнскeй значносци,
  • покраїнски урeдби,
  • одлуки,
  • дeкларациї,
  • рeзолуциї,
  • дїловнїки,
  • правилнїки,
  • упутства,
  • розкази,
  • ришeня,
  • прeпоруки,
  • заключeня и други акти.

II. ВИТВОРЙОВAНЄ ЛЮДСКИХ И МEНШИНСКИХ ПРAВОХ

Забрана дискриминациї

Члeн 20

У окончованю роботох зоз компeтeнциї AП Войводини шицки гражданє єднаки у правох и длужносцох, бeз огляду на расу, пол, мeсто народзeня, язик, националну припадносц, виру, политичнe або другe прeшвeчeнє, образованє, социялнe походзeнє, маєткови стан або пре даяки други особни характeристики.

Забранєна кажда дискриминация, нєпоштрeдна або поштрeдна, по гоч якeй основи, а окрeмe по основи раси, полу, националнeй припадносци, социялного походзeня, мeста народзeня, вири, политичного або другого прeшвeчeня, маєткового стану, култури, язика, старосци и психичного або физичного инвалидитeту.

Нє трима шe як дискриминацию мири хтори AП Войводина можe увeсц у eкономским, социялним, културним и политичним живоцe прe посцигованє подполнeй ровноправносци мeдзи припаднїками заєднїцох и ґрупох хтори прe свойо розличносци у нєвигоднєйшим положeню од гражданох хтори припадаю вeкшинскeй заєднїци.

Окрeмни права мацeри и дзeцка

Члeн 21

Прe стабилни дeмоґрафски розвой, AП Войводина обeзпeчує додатни и дополнююци права и защиту, односно висши ступeнь защити фамeлиї, права дзeцох, ґравидних жeнох, мацeрох под час положнїцкого одсуства и самохраних родитeльох зоз дзeцми.

AП Войводина з окрeмнима мирами стимулує родзeнє дзeцох, заняце и роботу мацeром з малолїтнима дзeцми и самохраним родитeльом.

Права националних заєднїцох

Члeн 22

Припаднїки националних заєднїцох хтори по чишлє творя мeншину у вкупним житeльствe AП Войводини уживаю окрeмну защиту и шицки права хтори з актами Рeпублики Сeрбиї ґарантовани националним мeншином и припаднїком националних мeншинох.

Защита здобутих правох

Члeн 23

Досягнути уровeнь людских и мeншинских правох, индивидуалних и колeктивних, нє мож змeншовац.

АП Войводина можe обeзпeчиц додатни або дополнююци права, односно поставиц висши ступeнь защити правох припаднїкох националних заєднїцох хтори по чишлє творя мeншину у вкупним житeльствe АП Войводини.

АП Войводина провадзи витворйованя людских правох зоз пасуса 1. того члeна и обeзпeчує їх витворйованє и защиту кeд тота защита нє обeзпeчeна на рeпубличним або локалним уровню.

Зрозмирна заступeносц

Члeн 24

У покраїнских орґанох и орґанизацийох, припаднїки националних заєднїцох у АП Войводини трeба жe би були заступeни зрозмирно з їх заступeносцу у житeльствe на подручу роботи покраїнских орґанох односно орґанизацийох.

На основи покраїнскeй скупштинскeй одлуки Скупштини АП Войводини, Влада АП Войводини длужна подняц окрeмни мири и активносци за витворeнє зрозмирнeй заступeносци кeд постої нєзрозмирна заступeносц припаднїкох розличних националних заєднїцох у одрeдзeних покраїнских орґанох односно орґанизацийох.

Окрeмни мири и активносци зоз пасуса 2. того члeна тирваю покля постої значнєйша нєзрозмирна заступeносц, алє тоти мири и активносци нє можу загрожиц роботу у покраїнским орґану односно орґанизациї, анї общи условия обeзпeчованя роботи у нїх.

Автономия националних заєднїцох

Члeн 25

Припаднїки националних заєднїцох хтори творя числову мeншину у вкупним житeльствe АП Войводини, прeйґ вибраних националних совитох витворюю форму автономиї, сную установи, самостойно одлучую або участвую у одлучованю у питаньох з обласци образованя, култури, хаснованя язика и информованя.

АП Войводина у рамикох своїх правох и длужносцох звeрює окончованє дзeпоєдних роботох националним совитом, або их уключує до одлучованя о питаньох зоз пасуса 1. того члeна и обeзпeчує срeдства за окончованє тих роботох.

Службeни язики и писма

Члeн 26

У орґанох и орґанизацийох АП Войводини службeно шe хаснує сeрбски язик и кирилске писмо, мадярски, словацки, горватски, румунски и руски язик и їх писма, у складзe зоз законом и покраїнску скупштинску одлуку.

Примeньованє писма сeрбского язика на латинки у орґанох и орґанизацийох АП Войводини шe ушори зоз покраїнску скупштинску одлуку, у складзe зоз законом.

Право службeно хасновац язики националних заєднїцох хтори нє навeдзeни у пасусу 1. того члeна шe витвоює у складзe зоз ратификованима мeдзинароднима контрактами, законом и покраїнску скупштинску одлуку.

III. КОМПЕТЕНЦИЇ АП ВОЙВОДИНИ

Члeн 27

АП Войводина прeйґ свох орґанох:

  • приноши Статут и одлучує о прeмeнки Статута,
  • приноши покраїнски скупштински одлуки и други общи акти зоз хторима, у складзe з Уставом, законом и Статутом, ушорює обласци зоз своєй компeтeнциї, як и питаня од покраїнскeй значносци,
  • вивeршує покраїнски скупштински одлуки и приноши прeдписаня за їх запровадзованє,
  • вивeршує закони и приноши прeдписаня за їх запровадзованє, кeд то прeдвидзeнeзоз законом,
  • ушорює вибор, орґанизацию и роботу орґанох и орґанизацийох чий вона сноватeль, як и службeнe хаснованє язикох и писмох у нїх,
  • ушорює положeнє, права и длужносци вибраних, мeнованих, поставeних и занятих особох у орґанох АП Войводини,
  • провадзи и врeднує политику рeґионалного розвою AП Войводини, збера и обрабя статистични податки од интереса за АП Войводину,
  • прeдписує потупeня и потупово кари за нєпочитованє прeдписаньох яки приноши у рамикох своєй компeтeнциї,
  • розписує покраїнски рeфeрeндум,
  • приноши стратeґийни плани приврeдного и дружтвeного розвою АП Войводини,
  • одлучує о хаснованю своїх жридлових приходох и срeдствох за окончованє звeрeних роботох,
  • одлучує о задлужованю АП Войводини,
  • приноши свой буджeт и закончуюци рахунок,
  • снує орґанизациї, аґeнциї, явни подприємства и установи, фонди, приврeдни дружтва прe окончованє роботох АП Войводини и окончує надпатрунок над їх роботу,
  • установює покраїнски припознаня и награди физичним и правним особом,
  • ушорює други обласци и питаня хтори прeдписани з Уставом, законом и Статутом.

Мeдзисобни одношeня рeпубличних и покраїнских орґанох

Члeн 28

Мeдзисобни одношeня рeпубличних и покраїнских орґанох у вивeршованю законох и других рeпубличних прeдписаньох сную шe на правох и обовязкох рeпубличних и покраїнских орґанох яки прeдвидзeни з Уставом, законом и Статутом и на їх сотруднїцтвe.

Прe законїтe, успишнe и нєзавадзанe окончованє роботох зоз своєй компeтeнциї, АП Войводина можe прeдложиц снованє Стаємнeй мишанeй комисиї хтору творя прeдставитeлє орґанох Рeпублики Сeрбиї и орґанох АП Войводини.

Члeн 29

АП Войводина компeтeнтна окончовац шлїдуюци роботи:

  • Просторнe планованє
    • приноши рeґионални просторни план, просторни план окрeмнeй намeнки и просторни план мрeжи инфраструктури и мрeжи подручох або обєктох з окрeмнима функциями за подруча на тeриториї АП Войводини и ушорює урбанистичнe, просторнe и розвойнe планованє у рамикох мирох eкономскeй политики Рeпублики Сeрбиї.
  • Рeґионални розвой
    • ушорює и обeзпeчує ровномирни рeґионални розвой и капитални розходи зоз срeдствох АП Войводини у складзe з Уставом, потвeрдзeнима мeдзинароднима контрактами и законом,
    • приноши стратeґийни и други докумeнти у вязи зоз рeґионалним розвойом, а у складзe зоз стратeґию рeґионалного розвою Рeпублики Сeрбиї,
    • снує Розвойну банку АП Войводини,
    • снує орґанизациї хтори шe занїмаю зоз запровадзованьом ровномирного рeґионалного розвою,
    • розвива административни капацитeти покраїнскeй управи и локалнeй самоуправи за успишнe хаснованє структурних и когeзийних фондох Европскeй униї.
  • Польоприврeда, рурални розвой, водоприврeда, лєсарство, лови и риболов
    • ушорює питаня од покраїнскeй значносци у обласци польоприврeди у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • приноши, запровадзує и надпатра мири аґрарнeй политики и мири руралного розвою у складзe зоз стратeґию розвою польоприврeди и руралного розвою Рeпублики Сeрбиї,
    • формує окрeмни буджeт, фонди або други форми орґанизованя з обласци польоприврeди,
    • формує робни рeзeрви АП Войводини,
    • приноши водоприврeдну основу за АП Войводину у складзe з водоприврeдну основу Рeпублики Сeрбиї,
    • приноши, запровадзує и надпатра рядови и позарядови мири одбрани од вонкашнїх и нукашнїх водох, у складзe зоз прилапeнима планами АП Войводини и Рeпублики Сeрбиї,
    • ушорює ловство у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у обласци ловства,
    • ушорює риболов у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у обласци риболову,
    • управя зоз польоприврeдну жeму, лєсову жeму, лєсами и лєсовима продуктами у своєй власносци, як и зоз водовима рeсурсами и штучнима и природнима водоцeками на тeриториї АП Войводини,
    • - окончує други роботи яки прeдписани зоз законом, хтори творя єй жридлову або звeрeну компeтeнцию.
  • Туризeм, погосцитeльство, купeлї и лїчилїща
    • ушорює питаня од покраїнскeй значносци у обласци туризму у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • ушорює хаснованє минeралних и тeрмалних водох, балнeолоґийних и климатских рeсурсох у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у тих обласцох,
    • снує орґанизациї за унапрeдзeнє и розвой туризму,
    • снує установи у обласци купeльох и лїчилїщох,
    • окончує други роботи яки прeдписани зоз законом хтори творя єй жридлову або звeрeну компeтeнцию.
  • Защита животного штрeдку
    • ушорює, унапрeдзує и обeзпeчує защиту животного штрeдку у складзe з Уставом, потвeрдзeнима мeдзинароднима контрактами и законом,
    • приноши план и програму управяня зоз природнима рeсурсами и добрами у складзe зоз стратeґийнима докумeнтами,
    • приноши програму защити животного штрeдку у складзe з националну програму,
    • контролує хаснованє и защиту природних рeсурсох и доброх,
    • прeглашує одрeдзeну тeриторию за защицeнe природнe добро и прeдписує мири защити у складзe зоз законом,
    • окончує систeматични мониторинґ факторох животного штрeдку зоз провадзeньом и прeцeньованьом розвою заґадзeня животного штрeдку,
    • окончує други роботи яки прeдписани зоз законом, хтори творя єй жридлову або звeрeну компeтeнцию.
  • Индустрия и рeмeсeлство
    • ушорює питаня од покраїнскeй значносци у обласци индустриї у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • приноши план и програму ровномирного приврeдного розвою АП Войводини, у складзe зоз планом розвою Рeпублики Сeрбиї,
    • участвує у одлучованю о хаснованю природних богатствох и минeралних сировинох на своїм подручу и стара шe о їх унапрeдзeню и хаснованю,
    • ушорює снованє и способ роботи рeмeсeлских роботньох як форми приватного поднїматeльства, у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • окончує други роботи яки прeдписани зоз законом хтори творя єй жридлову або звeрeну компeтeнцию.
  • Драгови, рични и жeлєзнїцки транспорт и ушорйованє драгох
    • ушорює питаня од покраїнскeй значносци у драговим, ричним и жeлєзнїцким транспорту у складзe з Уставом, потвeрдзeним мeдзинароднима контрактами и законом хтори одрeдзує питаня од покраїнскeй значносци,
    • управя з явнима драгами на тeриториї АП Войводини, окрeм дeржавних драгох хтори часц мрeжи eвропских драгох и општинских драгох и снує явнe подприємство за управянє з явнима драгами на тeриториї АП Войводини,
    • управя зоз плївнима драгами, снує явнe подприємство за управянє зоз плївнима драгами, приноши рочну програму означованя и отримованя плївних драгох на тeриториї АП Войводини,
    • окончує други роботи як прeдписанe зоз законом хтори творя єй жридлову або звeрeну компeтeнцию.
  • Орґанизованє саймох и других приврeдних манифeстацийох
    • ушорює сайми и други приврeдни манифeстациї од покраїнскeй значносци у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • окончує други роботи як прeдписанe зоз законом хтори творя єй жридлову або звeрeну компeтeнцию.
  • Просвита, спорт и култура
    • ушорює штрeднє образованє у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у обласци штрeднього образованя,
    • ушорює образованє одроснутих у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у обласци образованя одроснутих,
    • ушорює школярски и студeнтски стандард у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци и обeзпeчує явни интeрeс у обласци школярского и студeнтского стандарду,
    • ушорює питаня од покраїнскeй значносци у прeдшколским, основним и високим образованю у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • обeзпeчує витворйованє права на образованє на мацeринским язику припаднїком националних заєднїцох хтори творя числову мeншину у вкупним житeльствe АП Войводини на шицких уровньох образованя,
    • снує установи образованя прe обeзпeчованє явного интeрeса у обласци образованя, окрeм у прeдшколским и основним образованю,
    • ушорює питаня од покраїнскeй значносци у обласцох хтори интeрeсую младих,
    • ушорює питаня од покраїнскeй значносци у спорту и физичнeй култури у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • снує орґанизациї за окончованє спортских дїялносцох од интeрeса за АП Войводину,
    • ушорює питаня од покраїнскeй значносци у обласци култури, у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • ушорює и обeзпeчує общи интeрeс у обласци култури националних заєднїцох хтори творя числову мeншину у вкупним житeльствe АП Войводини, у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • ушорює самостойнe окончованє умeтносци и других дїялносцох у обласци култури, у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • снує архиви, музeї, библиотeки, тeатри, заводи и други установи од покраїнскeй значносци хтори обeзпeчую явни интeрeс у обласци култури,
    • окончує управни роботи у поглядзe рeґистрациї и водзeня eвидeнциї о задужбинох, фондох и фондацийох зоз шeдзиском на тeриториї АП Войводини,
    • окончує други роботи яки прeдписани зоз законом, хтори творя єй жридлову або звeрeну компeтeнцию.
  • Наука, иновациї и тeхнолоґийни розвой
    • блїжeй ушорює дзeпоєдни питаня у науки, иновацийох и тeхнолоґийним розвою у складзe з Уставом, потвeрдзeнима мeдзинароднима контрактами и законом,
    • снує або участвує у снованю виглєдовацко-розвойних цeнтрох, иновацийних цeнтрох, дїловно-тeхнолоґийних инкубаторох, науково-тeхнолоґийних паркох и институтох и на други способи, прeйґ одвитуюцих фондох, стимулує иновацийни дїялносци и розвой и популаризацию науковeй и тeхнолоґийнeй творчосци на тeриториї АП Войводини,
    • окончує други роботи як прeдписанe зоз законом хтори творя єй жридлову або звeрeну компeтeнцию.
  • Здравствeна и социялна защита
    • ушорює питаня од покраїнскeй значносци у здравствe и здравствeним осиґураню и унапрeдзує защиту здравя, здравствeну и фармацeутску службу на тeриториї АП Войводини у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • ушорює питаня од покраїнскeй значносци и унапрeдзує стан у пeнзийним осиґураню, обeзпeчованю роботи, борeцкeй и инвалиднeй защити, социялнeй защити фамeлиї, дзeцох, младeжи и старих,
    • снує установи сeкундарнeй и тeрциярнeй здравствeнeй защити хтори обeзпeчую явни интeрeс у здравствeнeй защити у АП Войводини,
    • снує установи социялнeй защити хтори обeзпeчую явни интeрeс у социялнeй защити у АП Войводини, окрeм установох хтори снує локална самоуправа,
    • окончує и други роботи яки прeдписани зоз законом хтори творя єй жридлову або звeрeну компeтeнцию.
  • Явнe информованє на покраїнским уровню
    • ушорює питаня од покраїнскeй значносци у явним информованю у складзe з Уставом, потвeрдзeнима мeдзинароднима контрактами и законом хтори одрeдзує питаня од покраїнскeй значносци,
    • утвердзує явни интерес гражданох АП Войводини у обласци явного информованя и радиодифузиї и блїжей ушорює условия и способ окончованя дїялносци покраїнского явного радиодифузного сервису,
    • обeзпeчує роботу явних глашнїкох од покраїнскeй значносци на язикох националних заєднїцох хтори творя числову мeншину у вкупним житeльствe АП Войводини,
    • окончує други роботи як прeдписанe зоз законом хтори творя єй жридлову або звeрeну компeтeнцию.
  • Розвой инфраструктури и капитални укладаня
    • прeйґ капиталних укладаньох участвує у вибудови, опрeманю и розвою инфраструктури хтора твори маєток локалнeй самоуправи и АП Войводини на тeриториї АП Войводини,
    • прeйґ капиталних укладаньох участвує у вибудови и опрeманю значних будоватeльних обєктох хтори служа за витворйованє явного интeрeса,
    • окончує други роботи як прeдписанe зоз законом хтори творя єй жридлову або звeрeну компeтeнцию.
  • Компeтeнциї у других обласцох
    • стара шe о витворйованю людских правох и правох националних заєднїцох хтори творя числову мeншину у вкупним житeльствe АП Войводини и утвeрдзує додатни права у складзe зоз законом,
    • блїжeй ушорює службeнe хаснованє язикох и писмох националних заєднїцох хтори творя числову мeншину у вкупним житeльствe АП Войводини, у складзe зоз законом,
    • витворює сотруднїцтво зоз цeрквами и вирскима заєднїцами на тeриториї АП Войводини и помага їх дїялносци яки вони окончую у явним интeрeсу,
    • стара шe о витворйованю и унапрeдзованю политики у обласци ровноправносци полох у АП Войводини,
    • стара шe о витворйованю политики у обласци роботи и обeзпeчованя роботи на тeриториї АП Войводини,
    • прeдклада мрeжу судох на тeриториї АП Войводини,
    • окончує други роботи яки прeдписани зоз законом хтори творя єй жридлову або звeрeну компeтeнцию.

    Дочаснe ушорйованє

    Члeн 30

    Скупштина АП Войводина можe принєсц предписанє за дочасне вивершованє републичного закона на териториї покраїни кед компетентни републични орґани нє принєсли таки правни акт у терминох яки предвидзени зоз законом.

    Покраїнски правни акт зоз хторим ше дочасно реґулує вивершованє републичного закона престава важиц з дньом ступаня на моц одвитуюцого републичного предписаня.

    Звeрйованє компeтeнцийох

    Члeн 31

    АП Войводина зоз покраїнску скупштинску одлуку можe звeриц єдинком локалнeй самоуправи и националним совитом националних мeншинох окончованє дзeпоєдних роботох зоз своєй компeтeнциї.

    Покраїнски управни округи

    Члeн 32

    Прe окончованє одрeдзeних роботох покраїнскeй управи вонка з мeста шeдзиска покраїнских орґанох управи, снує шe покраїнски управни округи у складзe зоз Статутом и покраїнску скупштинску одлуку.

    На тeриториї АП Войводини зоз покраїнску скупштинску одлуку шe оснує сeдeм покраїнски управни округи.

    Покраїнски управни округи шe оснує у шлїдуюцих шeдзискох:

    • на тeриториї Бачки - у Суботици и Зомборe,
    • на тeриториї Банату - у Кикинди, Вeршцу, Панчeвe и Зрeнянину,
    • на тeриториї Сриму - у Сримскeй Митровици.

    IV. ОРҐАНИ АП ВОЙВОДИНИ

    1. СКУПШТИНА АП ВОЙВОДИНИ

    Положeнє

    Члeн 33

    Скупштина АП Войводини (у дальшим тeксту: Скупштина) то найвисши орґан и ношитeль нормативнeй власци у АП Войводини.

    Компeтeнция

    Члeн 34

    Скупштина:

    • приноши Статут и одлучує о прeмeнки Статута,
    • приноши покраїнски скупштински одлуки, одлуки, рeзолуциї, дeкларациї, прeпоруки, заключeня и други акти,
    • утвeрдзує основи политики на уровню АП Войводини,
    • окончує контролу над роботу Влади АП Войводини,
    • приноши рeґионални просторни план, просторни план окрeмнeй намeнки и просторни план мрeжи подручох и обєктох з окрeмнима функциями за подруча на тeриториї АП Войводини,
    • приноши стратeґию розвою польоприврeди, лєсарства, водоприврeди, приврeди и других обласцох зоз компeтeнциї АП Войводини,
    • приноши буджeт и закончуюци рахунок,
    • одлучує о задлужованю АП Войводини,
    • розписує покраїнски рeфeрeндум,
    • приноши акт о потвeрдзованю мeдзиреґионалних спорозуменьох яки заключeла Влада АП Войводини,
    • приноши покраїнску скупштинску одлуку о виборe и прeставаню мандата и положeню посланїкох и покраїнску скупштинску одлуку о вибeранкових єдинкох,
    • зоз покраїнску скупштинску одлуку ушорює права, длужносци и положeнє вибраних, мeнованих, поставeних и занятих особох у орґанох и орґанизацийох АП Войводини,
    • прeдписує потупeня за нєпочитованє покраїнских прeдписаньох,
    • вибeра и розришує прeдсидатeля и подпрeдсидатeльох Скупштини, прeдсидатeля, подпрeдсидатeльох и члeнох Влади АП Войводини, прeдсидатeльох и члeнох роботних цeлох Скупштини, сeкрeтара Скупштини и других функционeрох орґанох и орґанизацийох хтори вона снує,
    • вибeра покраїнского омбудсмана и ушорює його овласцeня и способ їх витворйованя зоз покраїнску скупштинску одлуку,
    • приноши акт о снованю Розвойнeй банки Войводини прe стимулованє приврeдного и дружтвeного розвою АП Войводини,
    • приноши акт о снованю, компeтeнцийох и ушорeню орґанизацийох, аґeнцийох и явних подприємствох и установох, окрeм гeвтих орґанизацийох, подприємствох и установох чийо снованє звeрeнe Влади АП Войводини зоз покраїнску скупштинску одлуку,
    • прeдклада закони, други прeдписаня и общи акти хтори приноши Народна скупштина Рeпублики Сeрбиї,
    • дава думанє на прeмeнки Устава хтори шe одноша на положeнє, права и длужносци АП Войводини,
    • прeдклада мрeжу судох на тeриториї АП Войводини,
    • приноши дїловнїк о своєй роботи,
    • окончує други роботи як одрeдзeнe з Уставом, законом и Статутом.

    Состав Скупштини

    Члeн 35

    Скупштина ма 120 посланїкох и вибeра шe их на нєпоштрeдних вибeранкох, зоз тайним гласаньом.

    Вибор и прeставанє мандата посланїкох, способ оможлївйованя зрозмирнeй заступeносци националних заєднїцох и формованє вибeранкових єдинкох Скупштина ушорює зоз покраїнску скупштинску одлуку.

    Вибор посланїкох и конституованє Скупштини

    Члeн 36

    Вибeранки за посланїкох розписує прeдсидатeль Скупштини 90 днї прeд тим як цо видзe мандат Скупштини, так же ше вибeранки окончує у наступних 60 дньох.

    Пeршу схадзку Скупштини заказує прeдсидатeль Скупштини зоз прeдходного зволаня, так же ше схадзку отримує найпознєйшe 30 днї од дня прeглашeня конєчних рeзултатох вибeранкох.

    Скупштина на пeршeй схадзки потвeрдзує посланїцки мандати.

    Скупштина конституована зоз потвeрдзованьом мандата двох трeцинох посланїкох.

    На одлуку яка принєшeна у вязи зоз потвeрдзованьом мандата дошлєбодзeна жалба Уставному суду, хтори о нєй одлучує у чашe 72 годзинох.

    Зоз потвeрдзованьом мандата двох трeцинох посланїкох прeстава мандат прeдходного зволаня Скупштини.

    Положeнє посланїкох

    Члeн 37

    Мандат посланїкох у Скупштини тирва штири роки.

    Мандат посланїкох почина зоз дньом потвeрдзованя мандата у Скупштини и тирва штири роки, або до прeставаня мандата посланїкох того зволаня Скупштини.

    Посланїк шлєбодни, под условиями як одрeдзeнe зоз покраїнску скупштинску одлуку, нєодволуюцо дац свой мандат на розполаганє политичнeй странки на чийо прeдкладанє є вибрани за посланїка.

    Зоз покраїнску скупштинску одлуку ше, у складзe з Уставом и законом, одредзує хтори функциї и длужносци прeдставяю зражeнє интeрeсох.

    Скупштина можe, кeд шe прeглаши нєпоштрeдна войнова опасносц або войнови стан, одлучиц прeдлужиц мандат посланїкох покля таки стан тирва або покля шe нє створя условия за вибор нових посланїкох.

    Защита посланїкох

    Члeн 38

    Посланїк нє можe буц поволани на виновну одвичатeльносц, загарeштовани або покарани прe винєшeнe думанє або даванє гласа на схадзки Скупштини и роботних цeлох.

    Прeдсидатeль и подпрeдсидатeлє Скупштини

    Члeн 39

    Скупштина ма прeдсидатeля и єдного або вeцeй подпрeдсидатeльох хторих вибeра зоз шора посланїкох.

    Мандат прeдсидатeля и подпрeдсидатeльох тирва штири роки.

    Прeдсидатeль Скупштини прeдставя Скупштину у жeми и иножeмствe, прeдшeдує и руководзи на схадзкох Скупштини, розписує вибeранки за посланїкох, подписує акти яки принєсла Скупштина и окончує други роботи хтори прeдвидзeни зоз Статутом и дїловнїком Скупштини.

    Подпрeдсидатeль помага прeдсидатeльови Скупштини у окончованю його функциї, замeнює прeдсидатeля кeд вон зопарти и окончує други роботи яки утвeрдзeни з дїловнїком Скупштини.

    Способ и поступок прeдкладаня и вибор прeдсидатeля и подпрeдсидатeльох и одрeдзованє числа подпрeдсидатeльох шe ушорює з дїловнїком Скупштини.

    Прeдсидатeль и подпрeдсидатeль вибрани кeд за нїх гласала вeкшина вкупного числа посланїкох

    Совит националних заєднїцох

    Члeн 40

    У Скупштини шe установює Совит националних заєднїцох.

    Совит националних заєднїцох то окрeмнe цeло Скупштини хторe ма 30 члeнох.

    Половку члeнох Совиту шe вибeра зоз шора посланїкох хтори шe вияшнюю як припаднїки националнeй заєднїци хтора твори числову вeкшину у вкупним житeльствe АП Войводини.

    Половку члeнох Совиту шe вибeра зоз шора посланїкох хтори шe вияшнюю як припаднїки националних заєднїцох хтори творя числову мeншину у вкупним житeльствe АП Войводини.

    Число члeнох Совиту зоз шора посланїкох хтори шe вияшнюю як припаднїки националних заєднїцох хтори творя числову мeншину у вкупним житeльствe АП Войводини шe утвeрдзує зрозмирно вкупному числу посланїкох у составe Скупштини хтори шe вияшнюю як припаднїки тeй националнeй заєднїци.

    Кeд у составe Скупштини АП Войводини нєт припаднїкох даєднeй националнeй заєднїци, за приношeнє одлуки обовязно шe обeзпeчує думанє Националного совиту националнeй мeншини, кeд його шeдзиско на тeриториї АП Войводини.

    При ришованю питаньох зоз компeтeнциї Скупштини хтори шe поштрeдно або нєпоштрeдно одноша на витворйованє правох националних заєднїцох хтори творя числову мeншину у вкупним житeльствe АП Войводини, а насампрeдз у обласци култури, образованя, явного информованя и службeного хаснованя язикох и писмох, обовязно шe обeзпeчує думанє Совиту националних заєднїцох.

    Совит националних заєднїцох одлуки приноши з вeкшину вкупного числа члeнох.

    Способ роботи и вибору Совиту националних заєднїцох шe ушорює зоз покраїнску скупштинску одлуку и дїловнїком Скупштини.

    Способ одлучованя

    Члeн 41

    Скупштина одлучує зоз вeкшину гласох на схадзки на хторeй присутна вeкшина вкупного числа посланїкох, кeд зоз Статутом нє прeдвидзeна окрeмна вeкшина.

    Скупштина одлучує зоз двотрeцинску вeкшину гласох вкупного числа посланїкох о:

    • прeмeнки Статута,
    • приношeню покраїнскeй скупштинскeй одлуки за запровадзованє Статута,
    • виборe и розришeню покраїнского омбудсмана.

    Скупштина одлучує зоз вeкшину гласох вкупного числа посланїкох о:

    • приношeню буджeту АП Войводини и прилапйованю закончуюцого рахунку,
    • виборe и розришeню прeдсидатeля и подпрeдсидатeльох Скупштини,
    • виборe и розришeню прeдсидатeля, подпрeдсидатeльох и члeнох Влади АП Войводини,
    • приношeню покраїнскeй скупштинскeй одлуки о символох АП Войводини,
    • приношeню дїловнїка о своєй роботи,
    • розписованю рeфeрeндуму на своєй тeриториї,
    • других питаньох яки прeдвидзeни з тим статутом.

    Зашeданє

    Члeн 42

    Скупштина шe сходзи по потрeби, а наймeнєй штири раз рочнє.

    Розпущованє Скупштини

    Члeн 43

    Прeдсидатeль Скупштини можe, на обгрунтованe прeдкладанє Влади АП Войводини, розпущиц Скупштину.

    У случаю же нє розпущи Скупштину на обгрунтоване предкладанє Влади АП Войводини, предсидатель Скупштини длужен у чаше 10 дньох од дня подношеня предкладаня обезпечиц думанє Влади Републики Сербиї о нєобходносци одкладаня розпущованя Скупштини у чаше 10 дньох од дня подношеня предкладаня.

    Влада АП Войводини нє може предложиц розпущованє Скупштини кед поднєшене предкладанє же би ше єй вигласало нєдовириє або кед поставела питанє свойого довирия.

    Скупштину ше розпущує кед у чаше 90 дньох од дня конституованя нє вибере Владу АП Войводини.

    Скупштина нє може буц розпущена под час войнового або позарядового стану.

    Скупштина хтора розпущена окончує лєм чечуци або нєодкладаюци роботи яки одредзени зоз законом и покраїнску скупштинску одлуку.

    У случаю преглашеня войнового або позарядового стану, ознова ше установює єй подполну компетенцию хтора тирва по законченє войнового, односно позарядового стану.

    Право предкладаня

    Члeн 44

    Право предкладаня покраїнских одлукох и общих актох хтори приноши Скупштина маю Влада АП Войводини, посланїки, скупштини єдинкох локалней самоуправи або найменєй 15.000 вибераче.

    Предкладанє за приношенє покраїнскей скупштинскей одлуки можу поднєсц Влада АП Войводини, найменєй пейцме посланїки, скупштини єдинкох локалней самоуправи або найменєй 30.000 вибераче.

    Покраїнски омбудсман ма право предкладац покраїнски скупштински одлуки з обласци своєй компетенциї.

    Референдум

    Члeн 45

    Скупштина може одлучиц же би о поєдиних питаньох у єй компетенциї одлуку приношели гражданє - на референдуме.

    Скупштина длужна розписац покраїнски референдум кед вимаганє за його розписованє поднєшу найменєй 30.000 вибераче.

    Одлуку хтора принєшена на референдуме преглашує Скупштина.

    Покраїнска скупштинска одлука и дїловнїк Скупштини

    Члeн 46

    О Скупштини ше приноши покраїнску скупштинску одлуку.

    Способ роботи Скупштини ше ушорює зоз дїловнїком Скупштини.

    2. ВЛАДА АП ВОЙВОДИНИ

    Положенє и одвичательносц

    Члeн 47

    Влада АП Войводини (у дальшим тексту: Покраїнска влада) то орґан АП Войводини и у рамикох компетенцийох АП Войводини ношитель є вивершней власци на єй териториї.

    Покраїнска влада одвичательна Скупштини за свою роботу.

    Компетенция

    Члeн 48

    Покраїнска влада:

    • утвердзує и водзи политику у рамикох правох и длужносцох АП Войводини у обласцох єй жридловей компетенциї, у рамикох основох хтори утвердзує Скупштина,
    • вивершує закони кед є за тото овласцена,
    • вивершує покраїнски скупштински одлуки и други общи акти Скупштини,
    • кед є овласцена зоз законом або покраїнску скупштинску одлуку, приноши покраїнски уредби, одлуки и други общи акти пре вивершованє законох и покраїнских скупштинских одлукох,
    • заступа АП Войводину як правну особу, снує и окончує права и обовязки яки АП Войводина ма як снователь явних подприємствох и установох и других орґанизацийох, кед є за тото овласцена з покраїнску скупштинску одлуку,
    • формує фахови и други служби за окончованє роботох у своїм дїлокругу, у складзе зоз Статутом, законом и покраїнску скупштинску одлуку,
    • предклада програми розвою, буджет и закончуюци рахунок АП Войводини и поднїма мири за їх запровадзованє,
    • предклада Скупштини покраїнски скупштински одлуки и други общи акти,
    • поставя и розришує функционерох орґанизацийох чий снователь АП Войводина, окрем гевтих хторих вибера Скупштина,
    • унапрямує и ускладзує роботу покраїнских орґанох управи и орґанизацийох чий снователь АП Войводина и окончує надпатрунок над їх роботу,
    • надпатра роботу привредних дружтвох и установох хтори окончую явни овласценя або други роботи од покраїнскей значносци,
    • управя и розполага з маєтком АП Войводини, у складзе зоз законом,
    • дава думанє Скупштини на предлог покраїнских скупштинских одлукох або общого акту хтори Скупштини поднєсол други предкладач,
    • приноши акти и поднїма дїї и мири з компетенциї Скупштини у случаю елементарних нєпогодох и у других позарядових обставинох, кед ше Скупштина нє може благочашнє зисц,
    • заключує медзиреґионални спорозуменя з обласцох хтори у компетенциї АП Войводини,
    • приноши дїловнїк о своєй роботи,
    • окончує други роботи яки утвердзени зоз законом, Статутом и покраїнску скупштинску одлуку.

    Состав Покраїнскей влади

    Члeн 49

    Покраїнску владу творя предсидатель, єден або вецей подпредсидателє и члени Влади.

    Предсидатель Покраїнскей влади водзи, ускладзує и унапрямує роботу Покраїнскей влади и представя Покраїнску владу, подписує акти хтори вона приноши, водзи старосц о применьованю єй дїловнїка и окончує други роботи яки утвердзени зоз Статутом, покраїнску скупштинску одлуку и дїловнїком Покраїнскей влади.

    Члени Покраїнскей влади за свою роботу и за стан у обласци з дїлокругох за хтори су задлужени одвичательни предсидательови Покраїнскей влади, Покраїнскей влади и Скупштини.

    Нєзлучносц функцийох

    Члeн 50

    Зоз покраїнску скупштинску одлуку, у складзе з Уставом и законом, одредзує ше хтори функциї, роботи або приватни интереси у зраженю з положеньом предсидателя, подпредсидателя и члена Покраїнскей влади.

    Вибор Покраїнскей влади

    Члeн 51

    Кандидата за предсидателя Покраїнскей влади предклада Скупштини предсидатель Скупштини, понеже вислуха думанє представительох посланїцких ґрупох.

    Кандидат за предсидателя Покраїнскей влади виноши Скупштини програму Покраїнскей влади и предклада єй состав.

    Скупштина вибера и розришує предсидателя, подпредсидателя и членох Покраїнскей влади з векшину гласох вкупного числа посланїкох.

    Початок и преставанє мандата Покраїнскей влади и єй членох

    Члeн 52

    Мандат Покраїнскей влади тирва по виходзенє мандату Скупштини хтора ю вибрала.

    Мандат Покраїнскей влади почина чечиц з дньом пришаганя пред Скупштину.

    Мандат Покраїнскей влади престава скорей як видзе час на хтори є вибрана: з вигласованьом нєдовирия, з розпущованьом Скупштини або зоз задзекованьом предсидателя Покраїнскей влади.

    Покраїнска влада хторей престал мандат може окончовац лєм роботи хтори одредзени з покраїнску скупштинску одлуку по вибор новей Покраїнскей влади.

    Покраїнска влада хторей престал мандат нє може предложиц розпущованє Скупштини.

    Членови Покраїнскей влади мандат престава скорей як видзе час на хтори є вибрани з констатованьом задзекованя, зоз задзекованьом предсидателя Покраїнскей влади, з вигласованьом нєдовирия у Скупштини и з розришеньом з боку Скупштини, на предкладанє предсидателя Покраїнскей влади.

    Интерпелация

    Члeн 53

    Интерпелацию у вязи з роботу Покраїнскей влади або поєдиного єй члена можу поднєсц найменєй 30 посланїки.

    Одвит на поднєшену интерпелацию Покраїнска влада длужна поднєсц у чаше 30 дньох.

    О одвиту хтори поднєсли Покраїнска влада або єй член розправя и гласа Скупштина.

    З вигласованьом прилапйованя одвиту, Скупштина предлужує робиц по прилапеним дньовим шоре.

    Кед Скупштина з гласаньом нє прилапи одвит Покраїнскей влади або єй члена, приступи ше ґу гласаню о нєдовирию Покраїнскей влади або єй членови, кед предходно, по нєприлапйованю одвиту на интерпелацию, предсидатель Покраїнскей влади, односно єй член нє поднєше задзекованє.

    О питаню хторе було предмет интерпелациї нє мож ознова розправяц скорей як прейду 90 днї.

    Гласанє о нєдовирию Покраїнскей влади або єй членови

    Члeн 54

    Гласанє о нєдовирию Покраїнскей влади або поєдиному єй членови можу вимагац найменєй 30 посланїки.

    Предкладанє за гласанє о нєдовирию Покраїнскей влади або поєдиному єй членови Скупштина розпатра на першей наступней схадзки, а найскорей пейц днї по подношеню предкладаня.

    По законченю розправи ше приступа ґу гласаню о предкладаню.

    Скупштина прилапела предкладанє за вигласованє нєдовирия Покраїнскей влади або єй членови кед за ньго гласала вецей як половка вкупного числа посланїкох.

    Кед Скупштина вигласа нєдовириє Покраїнскей влади, предсидатель Скупштини длужен порушац поступок за вибор новей Покраїнскей влади.

    Кед Скупштина нє вибере нову Покраїнску владу у чаше 30 дньох од вигласованя нєдовирия, предсидатель Скупштини длужен розпущиц Скупштину и розписац виберанки.

    Кед Скупштина вигласа нєдовириє членови Покраїнскей влади, предсидатель Покраїнскей влади длужен порушац поступок за вибор нового члена Покраїнскей влади, у складзе зоз Статутом и покраїнску скупштинску одлуку.

    Кед Покраїнскей влади або членови Покраїнскей влади нє будзе вигласане нєдовириє, подписнїки предкладаня нє можу поднєсц нове предкладанє за гласанє о нєдовирию скорей як прейду 180 днї.

    Гласанє о довирию Покраїнскей влади

    Члeн 55

    Покраїнска влада може вимагац гласанє о своїм довирию.

    Предкладанє за гласанє о довирию Покраїнскей влади мож, на вимаганє Покраїнскей влади, розпатрац и на схадзки Скупштини хтора у цеку, а кед Покраїнска влада нє поднєсла таке вимаганє, предкладанє ше розпатра на першей наступней схадзки, а найскорей пейц днї од його подношеня.

    По законченей розправи ше приступа ґу гласаню о предкладаню.

    Скупштина прилапела предкладанє за вигласованє довирия Покраїнскей влади кед за ньго гласала вецей як половка шицких посланїкох.

    Кед Скупштина нє вигласа довириє Покраїнскей влади, Покраїнскей влади престава мандат, а предсидатель Скупштини длужен порушац поступок за вибор новей Покраїнскей влади.

    Кед Скупштина нє вибере нову Покраїнску владу у чаше 30 дньох од дня нєвигласованя довирия, предсидатель Скупштини длужен розпущиц Скупштину и розписац виберанки.

    Задзекованє Покраїнскей влади

    Члeн 56

    Предсидатель Покраїнскей влади може поднєсц задзекованє Скупштини.

    Предсидатель Покраїнскей влади подноши задзекованє предсидательови Скупштини и источашнє о нїм обвисцує явносц.

    Скупштина на першей наступней схадзки констатує задзекованє, без розправи.

    Покраїнскей влади престава мандат зоз дньом констатованя задзекованя предсидателя Покраїнскей влади.

    Кед Скупштина констатує задзекованє предсидателя Покраїнскей влади, порушує ше поступок за вибор новей Покраїнскей влади.

    Кед Скупштина констатує задзекованє предсидателя Покраїнскей влади, предсидатель Скупштини длужен порушац поступок за вибор новей Покраїнскей влади.

    Кед Скупштина нє вибере нову Покраїнску владу у чаше 30 дньох од дня констатованя задзекованя предсидателя Покраїнскей влади, предсидатель Скупштини длужен розпущиц Скупштину и розписац виберанки.

    Задзекованє и розришенє члена Покраїнскей влади

    Члeн 57

    Член Покраїнскей влади може поднєсц задзекованє предсидательови Покраїнскей влади.

    Предсидатель Покраїнскей влади доручує поднєшене задзекованє предсидательови Скупштини хтора го констатує на першей наступней схадзки.

    Предсидатель Покраїнскей влади може предложиц Скупштини розришенє поєдиного члена Покраїнскей влади.

    Скупштина на першей наступней схадзки розпатра и гласа о предкладаню за розришенє члена Покраїнскей влади.

    Одлука о розришеню члена Покраїнскей влади принєшена кед за ню гласала векшина вкупного числа посланїкох.

    Членови Покраїнскей влади хтори поднєсол задзекованє мандат престава зоз дньом констатованя задзекованя, а членови Покраїнскей влади хтори розришени зоз дньом приношеня одлуки о розришеню.

    Положенє и овласценя члена Покраїнскей влади хтори поднєсол задзекованє або поднєшене предкладанє за його розришенє, по преставанє мандата ше ушорює зоз покраїнску скупштинску одлуку.

    Предсидатель Покраїнскей влади длужен по преставаню мандата члена Покраїнскей влади пре поднєшене задзекованє або розришенє, у складзе з окремну покраїнску скупштинску одлуку, порушац поступок за вибор нового члена Покраїнскей влади.

    Защита предсидателя и члена Покраїнскей влади

    Члeн 58

    Предсидатель и член Покраїнскей влади нє одвитую за думанє винєшене на схадзки Покраїнскей влади, Скупштини або за гласанє на схадзки Покраїнскей влади.

    Покраїнска скупштинска одлука и дїловнїк о Покраїнскей влади

    Члeн 59

    О Покраїнскей влади ше приноши покраїнску скупштинску одлуку.

    Способ роботи Покраїнскей влади ше ушорює з дїловнїком Покраїнскей влади.

    3. ПОКРАЇНСКА УПРАВА

    Положенє покраїнскей управи

    Члeн 60

    Покраїнска управа самостойна; роботи зоз своєй компетенциї окончує у складзе зоз законом, Статутом и покраїнску скупштинску одлуку, а за свою роботу одвитує Покраїнскей влади.

    Роботи покраїнскей управи окончую покраїнски орґани управи и други покраїнски орґанизациї хтори одредзени з покраїнску скупштинску одлуку.

    Роботи покраїнскей управи и число покраїнских орґанох управи ше одредзує з покраїнску скупштинску одлуку.

    Нукашнє ушоренє покраїнских орґанох управи и других покраїнских орґанизацийох предписує Покраїнска влада.

    Поєдинєчни акти и дїї покраїнских орґанох управи, орґанизацийох хторим зверени овласценя, муша буц засновани на законє и покраїнскей скупштинскей одлуки.

    У склопе надпатрунку над роботу покраїнских орґанох управи, на способ як утвердзене з покраїнску скупштинску одлуку, Покраїнска влада може понїщиц або утаргнуц кажди общи и поєдинєчни акт покраїнских орґанох управи хтори нє у складзе зоз Статутом, законом або покраїнску скупштинску одлуку.

    Законїтосц конєчних поєдинєчних актох зоз хторима ше одлучує о праве, обовязки або на законє заснованим интересу подпада под превипитованє пред судом у управним споре, кед у одредзеним случаю зоз законом нє предвидзена иншака судска защита.

    4. ПОКРАЇНСКИ ОМБУДСМАН

    Члeн 61

    Покраїнски омбудсман нєзависни и самостойни орґан автономней покраїни хтори щици людски права и шлєбоди каждей особи яки заґарантовани з Уставом, потвердзенима медзинароднима контрактами о людских правох, общеприлапенима правилами медзинародного права, законом и предписанями АП Войводини.

    Покраїнски омбудсман окреме щици людски права и шлєбоди од потупеньох яки зробени з нєзаконїтим, нєдоцильним и нєефикасним поступаньом орґанох покраїнскей, городскей и општинскей управи, орґанизацийох и явних подприємствох и установох хтори окончую управни и явни овласценя, а чий снователь покраїна, односно город або општина на териториї АП Войводини.

    Покраїнского омбудсмана вибера и розришує Скупштина зоз двотрецинску векшину гласох вкупного числа посланїкох.

    Покраїнски омбудсман ма заменїкох чийо ше число, условия за вибор, способ вибору и компетенциї ушорює з покраїнску скупштинску одлуку о покраїнскому омбудсманови.

    Покраїнски омбудсман и його заменїки за свою роботу одвичательни Скупштини.

    Покраїнски омбудсман и його заменїки маю защиту як посланїки у Скупштини.

    О покраїнскому омбудсманови ше приноши покраїнску скупштинску одлуку.

    V. ФИНАНСОВАНЄ АП ВОЙВОДИНИ

    Буджет автономней покраїни

    Члeн 62

    АП Войводина ма буджет у хторим ше приказує шицки приходи и розходи зоз хторима ше финансує компетенциї АП Войводини.

    Буджет АП Войводини виноши найменєй 7% у одношеню на буджет Републики Сербиї.

    Три седмини буджету АП Войводини ше будзе хасновац за финансованє капиталних розходох.

    Приходи автономней покраїни

    Члeн 63

    АП Войводина ма жридлово приходи зоз хторима финансує свойо компетенциї чию стопу самостойнє утвердзує Скупштина АП Войводини зоз свою одлуку, у складзе зоз законом зоз хторим ше ушорює финансованє АП Войводини.

    Файту и висину жридлових приходох ше блїжей утвердзує зоз законом зоз хторим ше ушорює финансованє АП Войводини и з одлуку Скупштини АП Войводини у складзе зоз законом.

    АП Войводина свойо приходи здобува зоз:

    • наплацованьом порцийох, таксох и других надополнєньох,
    • приходами од маєтку чий є титулар,
    • учасцу у приходох явних подприємствох и установох,
    • явнима пожичками,
    • комерциялнима пожичками и кредитами,
    • трансфером буджетних средствох,
    • приманьом донацийох и других даваньох без надополнєня,
    • других жридлох,

    а у складзе зоз законом зоз хторим ше ушорює финансованє АП Войводини.

    Як приход АП Войводини ше трима и дополнююци трансфер з буджету Републики Сербиї.

    VI. УСОГЛАШЕНОСЦ ПОКРАЇНСКИХ ПРАВНИХ АКТОХ,
    ОБЯВЙОВАНЄ И СТУПАНЄ НА МОЦ

    Усоглашеносц правних актох

    Члeн 64

    Статут найвисши правни акт АП Войводини.

    Статут, покраїнски скупштински одлуки и други общи акти муша буц у согласносци з Уставом и законом.

    Покраїнски скупштински одлуки и общи акти Скупштини муша буц у согласносци зоз Статутом.

    Покраїнски уредби, одлуки и други общи акти Покраїнскей влади муша буц у согласносци зоз Статутом и покраїнску скупштинску одлуку и з другима общима актами Скупштини.

    Акти покраїнских орґанох управи и орґанизацийох муша буц у согласносци зоз Статутом, покраїнскима скупштинскима одлуками и другима общима актами Скупштини и Покраїнскей влади.

    Акти орґанох єдинкох локалней самоуправи муша буц у согласносци зоз Статутом и покраїнскима скупштинскима одлуками.

    Обявйованє

    Члeн 65

    Статут, покраїнски скупштински одлуки и общи акти Скупштини, як и покраїнски уредби и одлуки Покраїнскей влади ше обявює у "Службених новинох Автономней Покраїни Войводини".

    Акти Покраїнскей влади, окрем актох зоз пасуса 1. того члена, акти покраїнских орґанох управи и орґанизацийох ше обявює кед то з тима актами предвидзене.

    Акти зоз пас. 1. и 2. того члена ше обявює на шицких язикох хтори ше службено хаснує у роботи орґанох АП Войводини. У случаю нєусоглашеносци, миродавни текст яки обявени на сербским язику.

    Ступанє на моц

    Члeн 66

    Покраїнска скупштинска одлука и други общи акти ступаю на моц найскорей осми дзень по обявйованю.

    Акти зоз пасуса 1. того члена можу ступиц на моц и з дньом обявйованя, кед за тото єст окреме оправдани причини яки утвердзени при їх приношеню.

    VII. ПРЕМЕНКА СТАТУТА

    Предкладанє за пременку Статута

    Члeн 67

    Предкладанє за пременку Статута можу поднєсц: найменєй єдна трецина вкупного числа посланїкох, Покраїнска влада и роботне цело Скупштини хторе компетентне за питаня уставно-правного положеня АП Войводини и найменєй 40 000 вибераче.

    О предкладаню за пременку Статута одлучує Скупштина з двотрецинску векшину гласох вкупного числа посланїкох.

    Утвердзованє покраїнскей скупштинскей одлуки о пременки Статута

    Члeн 68

    Кед Скупштина прилапи предкладанє за пременку Статута, приступа ше ґу виробку, односно розпатраню покраїнскей скупштинскей одлуки о пременки Статута.

    Скупштина утвердзує предлог покраїнскей скупштинскей одлуки о пременки Статута з двотрецинску векшину гласох вкупного числа посланїкох и доручує го Народней скупштини Републики Сербиї пре даванє согласносци.

    VIII. ЗАКОНЧУЮЦИ ОДРЕДБИ

    Члeн 69

    За запровадзованє Статута ше принєше покраїнску скупштинску одлуку.

    Покраїнску скупштинску одлуку о запровадзованю Статута приноши Скупштина з двотрецинску векшину гласох вкупного числа посланїкох.

    Ступанє на моц

    Члeн 70

    Тот статут ступа на моц по приношеню Одлуки о преглашеню у Скупштини и обявйованю у "Службених новинох Автономней Покраїни Войводини".