Нови Сад, 23. май – Предсидатель Скупштини АП Войводини Балинт Югас и предсидателька Покраїнскей влади Мая Ґойкович бешедовали нєшка на порядней схадзки о активносцох покраїнских институцийох и чечуцих и будуцих проєктох.
Ґойкович и Югас визначели важносц медзиинституционалного сотруднїцтва, насампредз у обласцох инфраструктури, образованя, култури, медзиреґионалного сотруднїцтва, як и у реализациї проєктох хтори од стратеґийней значносци за нашу Покраїну. Окремну увагу пошвецели проєктом хтори ше запровадзує зоз локалнима самоуправами и партнерами у рамикох медзиреґионалного сотруднїцтва.
Предсидателє Югас и Ґойкович виражели взаємну порихтаносц за предлужованє интензивней комуникациї, и заєднїцки оценєли же потерашнє сотруднїцтво покраїнскей Скупштини и Влади принєсло обачлїви резултати.