Нови Сад, 3. юний - Предсидатель Скупштини АП Войводини Балинт Югас присуствовал нєшка на шветочним пущаню до роботи роботизованей системи за сортированє посилкох у поштанско-лоґистичним центру у Новим Садзе, хтори треци по шоре од пейц городох у нашей жеми за хтори Пошта Сербиї обезпечела роботску потримовку.
О значносци системи хтора вецейнїсто унапредзи квалитет обробку посилкох, условия рооти и даванє услугох хасновательом, присутним бешедовали о.д. директора Поштох Сербиї Зоран Андєлкович и городоначалнїк Нового Саду Жарко Мичин.
Бешедуюци за медиї, предсидатель Скупштини АП Войводини Балинт Югас визначел же модернизация поштанских услугох важни крочай ґу ефикаснєйшей, швидшей и сучаснєйшей системи хтора провадзи потреби гражданох и привреди.
«Пошта вецей як институция, вона часц каждодньового животу гражданох и значни фактор у повязованю людзох, привреди и держави. У диґиталней часци єй улога стимулуюца бо попри традиционалних услугох одвитує и на спокуси сучасного дїлованя, е-тарґовини и швидкей комуникациї. Зоз роботизацию и укладаньом до нових технолоґийох, Пошта Сербиї ище раз потвердзує же є стратеґийно опредзелєна ґу унапредзеню квалитету, ефикасносци и доступносци услугох, у интересу шицких гражданох и привредних субєктох», визначел предсидатель Югас.