Нови Сад, 27. юний – Предсидатель Скупштини АП Войводини Балинт Югас и народни посланїк Балинт Пастор нєшка бешедовали зоз предсидательом Федерациї европских националних меншинох (Federal Union of European Nationalities – FUEN) Лорентом Винцеом о значносци и ефектох конференциї «Економске доприношенє меншинских заєднїцох у прейґгранїчних реґионох», хтора нєшка отворена у Скупштини АП Войводини.
Югас и Пастор визначели же су барз горди на тото же Войводина домашня на тей значней подїї, хтору ше по дзевяти раз отримує, алє з тим же домашня жем по першираз нє членїца ЕУ. 
Вони виражели задовольство пре одволанє представительох меншинских заєднїцох зоз цалей Европи и обчекованє же конференция да значни резултати у поглядзе унапредзеня сотруднїцтва, черанки добрих праксох и дефинованя препорукох за конкретни мири.
Югас, Пастор и Винце окреме визначели значносц улоги меншинских заєднїцох як важного ресурсу при будованю моцнєйших економских вязох и моцнєня привреди у матичних жемох.