Нови Сад, 27. юний – Предсидатель Скупштини АП Войводини Балинт Югас стретнул ше нєшка у покраїнским парламенту з министром индустриї, еколоґийней и диґитално-еколоґийней транзициї шпанскей реґиї Навара, Микелеом Ируйом Амазеґом.
На схадзки бешедоване о можлївосцох запровадзованя институционалного партнерства и сотруднїцтва медзи Войводину и Навари, окреме у обласцох привреди, польопривреди и ИТ индустриї.
Предсидатель Югас визначел же Нови Сад ИТ центер Сербиї, и же ше у Войводини, у хторей польопривреда примарна дїялносц, барз пошвецено роби на злучованю тих двох обласцох.
По отвераню Биосенс институту 2015. року, Науково-технолоґийного парку и першей диґиталней фарми у Бачкей Тополї, озбильно и барз успишно ше занїмаме з анализу податкох пре унапредзенє польопривредней продукциї, бо у тим видзиме будучносц», гварел предсидатель Югас.
На схадзки оценєне же би сотруднїцтво двох реґийох представяло нагоду за заєднїцку роботу на питаньох хтори од сущней значносци за будучносц як отримуюцей индустриї, защити животного шредку и диґиталних ришеньох хтори унапредзую квалитет живота гражданох.
Схадзка отримана у рамикох конференциї «Економске доприношенє меншинских заєднїцох у прейґранїчних реґионох», хторей домашнї Скупштина АП Войводини, у хторей участвую представителє меншинских заєднїцох з вецей европских жемох.