Зомбор/Нови Сад, 10. октобер - Предсидатель Скупштини АП Войводини Балинт Югас присуствовал нєшка у Зомборе на заєднїцкей схадзки Влади Републики Сербиї и Покраїнскей влади.
Початку заєднїцкей схадзки, отриманей у будинку Жупаниї у Зомборе, предходзело стретнуце предсидателя Влади Републики Сербиї Дюри Мацута и предсидательки Покраїнскей влади Маї Ґойкович, як и билатерални схадзки министрох и покраїнских секретарох.
Предсидатель Югас визначел же, без дилеми, лєм диялоґ и блїзке сотруднїцтво можу оможлївиц витворйованє заєднїцких цильох и проєктох. Вон оценєл же таки заєднїцки схадзки значни крочай ґу ефикаснєйшому дїлованю и унапредзованю одношеньох медзи републичним и покраїнским уровньом власци.