Нови Сад, 13. новембер – У Скупштини АП Войводини нєшка отримани порядни роботни сход предсидателя покраїнского Парламента Балинта Югаса и предсидательки Покраїнскей влади Маї Ґойкович на хторим бешедоване о предлогу покраїнского буджету за 2026. рок, як и о предлужованю координациї активносцох цо су значни за дальши розвой Покраїни.
Югас и Ґойкович бешедовали о укладаньох до обласци образованя, здравства и институцийох култури, як и о отримованю наступного Реґионалного дїловного форуму хтори ше у АП Войводини уж традицийно орґанизує у сотруднїцтве зоз Скупштину европских реґийох (АЕР), чий є длугорочни член.
Предсидатель Югас упознал предсидательку Ґойкович зоз нєдавну нащиву Бриселу у рамикох Европского тижня реґионох и городох, як и роботней нащиви Европскому парламенту у чиїм фокусу були предприступни фонди и можлївосци финансованя розвойних проєктох у Войводини.
У розгварки розпатрани и питаня унапредзеня сотруднїцтва покраїнских институцийох и ефикаснєйшого запровадзованя заєднїцких инициятивох, зоз цильом дальшого локалного и реґионалного розвою.