Нови Сад, 5. фебруар – Мадярска заєднїца у АП Войводини як слуп стабилносци и порушовач розвою сербско-мадярских одношеньох, визначел предсидатель Скупштини Войводини Балинт Югас на нєшкайшим стретнуцу зоз амбасадором Мадярскей у Сербиї Йожефом Мадяром.
На схадзки у Скупштини АП Войводини потвердзена стратеґийна пошвеценосц Републики Сербиї и Мадярскей ґу моцнєню приятельства, партнерства и реализациї конкретних проєктох у обласци енерґетики, инфраструктури, образованю и култури.
Предсидатель Югас наглашел же моцна и активна мадярска заєднїца у АП Войводини представя важни мост сотруднїцтва хтори доприноши економскому и шицким другим розвойом у реґиону.
«Дзекуюци потримовки Републики Сербиї и розуменю мадярскей влади, наша заєднїца може пестовац свой идентитет, а источашнє зоз заєднїцкима активносцами твориме обачлїви резултати за цалу жем и реґион», гварел Югас.
Амбасадор Мадярскей Йожеф Мадяр визначел же є пошвецени предлуженю розвою плодного сотруднїцтва, зоз окремним акцентом на енерґетски инициятиви и иновативни проєкти хтори преглїбюю партнерство и доприноша реґионалней стабилносци.