Нови Сад, 8. фебруар – Предсидатель Скупштини АП Войводини Балинт Югас и предсидателька Покраїнскей влади Мая Ґойкович були присутни на шветочним означованю 150 роки од снованя Червеного крижа Сербиї.
Централна подїя означованя ювилею, хтори отримани у Сербским народним театру, бул балетски концерт, хтори орґанизовани под високим покровительством предсидательки Покраїнскей влади.
Програма облапела найпознатши часци балетского репертоара, як и дїла сучасних кореоґрафох, у виводзеню велїканох и солистох балету Сербского народного театру.
Окремни госци того вечара були гвизди балету Мадярскей державней опери у Будапешту – Мария Яковлєва и Луис Скривенер.
На шветочним означованю велького ювилею Червеного Крижа Сербиї, ище раз визначена значносц тей институциї, хтора уж вик и пол представя символ гуманосци, солидарносци и стараня о найзагроженших.