Нови Сад, 28. април – Предсидатель Скупштини АП Войводини др Балинт Югас присуствовал нєшка на шветочней академиї з нагоди Дня Библиотеки Матици сербскей, хтора отримана у Шветочней сали тей найстаршей сербскей културней и науковей институциї.
На шветочносци присуствовали митрополит бачки др Ириней, предсидатель Матици сербскей проф. др Драґан Станич, предсидателька Покраїнскей влади Мая Ґойкович, министер култури Републики Сербиї Никола Селакович, городоначальнїк Нового Саду Жарко Мичин, управитель Библиотеки Матици сербскей Селимир Радулович, як и числени госци з явного и културного живота.
Библиотека Матици сербскей представя найстаршу явну библиотеку у Сербиї и єдну з найзначнєйших у реґиону, з богатим фондом хтори шведочи о културним и науковим розвою сербского народу.
Шветочна академия була пошвецена значносци и улоги Библиотеки Матици сербскей у очуваню писаного скарбу, язика и културного идентитету, а з тей нагоди додзелєни и награди и подзекованя заслужним поєдинцом и институцийом.