Нови Сад, 12. май – Предсидатель Скупштини АП Войводини др Балинт Югас присуствовал нєшка на конференциї «AIMedia 2026» – Будучносц медийох у ери штучней интелиґенциї (ШИ), хтора отримана у Науково-технолоґийним парку Нови Сад, у орґанизациї порталу Войводина наживо, зоз потримовку Покраїнского секретарияту за културу, явне информованє и одношеня з вирскима заєднїцами.
Отвераюци конфренцию, предсидатель Югас визначел же штучна интелиґенция (ШИ) єдно зоз ключних питаньох сучасного дружтва бо уплївує на шицки обласци живота, од економиї и образованя, до явней управи, медийох и каждодньового животу гражданох.
«Нови технолоґиї приноша вельки можлївосци за иновациї и розвой, алє источасно ше отвераю и важни питаня етики, безпечносци и довирия до информацийох. Праве прето ключне же би технолоґия остала у служби чловека и дружтва», виявел Югас.
Вон наглашел же Сербия, а насампредз Нови Сад и Войводина, маю значни потенциял у обласци информацийних технолоґийох и штучней интелиґенциї (ШИ), здогадуюци же у Новим Садзе нєшка дїлує вецей як 900 ИТ компаниї зоз вецей як 15.000 занятих, а у Науково-технолоґийним парку Нови Сад дїлує вецей як 70 розвойни тими, старт-апи и виглєдовацки ґрупи, уключуюци и Институт за штучну интелиґенцию (ШИ). Предсидатель Югас наведол и же ИТ и ИКТ сектор Сербиї у 2025. року досцигол вивоз од 4,55 милиярди евра, и рост од коло 10 одсто, оценююци же слово о єдним зоз найдинамичнєйших и найважнєйшим конару домашнєй економиї.
На конференциї бешедовал и директор Канцелариї за информацийни технолоґиї и електронску управу др Михайло Йованович, а присутни були и покраїнски секретар за високе образованє и науково-виглєдовацку дїялносц проф. др Бранко Маркоски, городоначалнїк Нового Саду Жарко Мичин, як и представителє академскей заєднїци, медийней индустриї и медзинародни фаховци зоз обласци штучней интелиґенциї (ШИ), диґиталних технолоґийох и сучасних медийох, хтори бешедовали о уплїву штучней интелиґенциї (ШИ) на будучносц информованя, коминикациї и дружтво у цалосци.