Суботица, 2. новембер - Предсидатель Скупштини АП Войводини др Балинт Югас присуствовал нєшка на традиционалней комеморациї пошвеценей жертвом з 1944. року, хтора отримана на Сентянским теметове у Суботици.
Комеморация отримана при памятнїку «Птица зламаних кридлох», з покладаньом венцох и екуменску литурґию на хторей присуствовали представителє церковних и националних заєднїцох, Городу Суботици, дипломатских представнїцтвох, националних совитох, потомки жертвох, политичних партийох и других орґанизацийох. 
У мено Покраїнскей влади венєц положел подпредсидатель Томислав Жиґманов.
З тим сходом дата почесц нєвиним жертвом траґичних подїйох з 1944. и 1945. року, з порученьом же здогадованє на страданих и пестованє култури здогадованя представяю важну часц одвичательносци спрам будуцих ґенерацийох.