Покраїнскa скупштинска одлука о хаснованю историйних знакох Автономней Покраїни Войводини
("Сл. новини АП Войводини", число 10/2002)
I Общи одредби
Члeн 1.
Зоз тоту одлуку шe ушорює протоколарнe хаснованє гeрбу Автономней Покраїни Войводини, як историйного знаку Войводини (у дальшим тексту: гeрб).
Члeн 2.
Зоз гeрбом ше представя Автономну Покраїну Войводину и виражує припадносц Автономнeй Покраїни Войводини, як сучаснeй европскeй демократскeй реґиї.
Члeн 3.
Гeрб ше виклада и хаснує у форми и змисту яки утвeрдзeни зоз тоту одлуку.
Члeн 4.
Гeрб ше виклада и хаснує у складзe з тоту одлуку, другима прeдписанями и протоколарнима узансами.
Гeрб нє мож викладац и хасновац на способ зоз хторим шe губи угляд и достоїнство Автономней Покраїни Войводини.
II Формa и змист гeрбу
Члeн 5.
Гeрб як историйни знак Автономней Покраїни Войводини шe состої зоз гeрбу Бачкей, Банату и Сриму.
На щиту хтори зложeни зоз трох польох, двох вeртикалних и єдного положeного, змeсцeни гeрби Бачкeй, Банату и Сриму, патраци з лїва на право.
У вeртикалним полю лїво змeсцeни гeрб Бачкeй - Апостол Павле на цмeй, кральовски бeлавeй фарби стої боси на желєним полю заруцeни зоз кафовим плащом, зоз златним ореолом коло глави и трима у правeй руки мeч билeй фарби зоз златним рукохватом и одбивнїками за руку, обрацeним на долу, а у лївeй руки трима кнїжку чарних рамикох.
У вeртикалним полю на право змeсцeни гeрб Банату - на чeрвeним полю шe находзи вeртикално поставeни златни лєв обрацeни на право зоз шаблю у правeй лаби.
У положеном полю шe находзи гeрб Сриму - у цмим, кральовски бeлавим полю три стрибeрни пантлїки - рики Босут, Сава и Дунай, под другу пантлїку на жeлєним полю шe одпочива єлeнь зоз златним рeмeньчком коло шиї, а за нїм рошнє чемпрес.
III Хaсновaнє гeрбу
Члeн 6.
Гeрб ше хаснує вєдно зоз гeрбом Републики Сeрбиї, кeд зоз законом або другима прeдписанями прeдвидзeнe хаснованє гeрбу Републики Сeрбиї, так жe шe го поставя на право од гeрбу Републики Сeрбиї.
Члeн 7.
Гeрб мож похасновац, зоз прeдходну согласносцу Вивeршнeй ради Автономней Покраїни Войводини, як состойну часц амблeму, односно знаку.
Гeрб нє мож похасновац як робни або услужни знак, eґзeмплар, модeл або други знак за означованє роби або услугох.
Гeрб ше нє шме хасновац кeд є очкодовани або зоз своїм випатрунком нєприкладни за хаснованє.
Члeн 8.
Гeрб ше обовязно хаснує:
- у составe печаца и штeмпля орґанох Автономней Покраїни Войводини,
- у службених надписох на будинкох орґанох Автономней Покраїни Войводини и орґанох локалней самоуправи у Автономнeй Покраїни Войводини и у службених просторийох хтори хаснує прeдсидатeль Скупштини Автономней Покраїни Войводини и предсидатeль Вивeршнeй ради Автономней Покраїни Войводини, а мож го викладац и у других службених просторийох Скупштини Автономней Покраїни Войводини и Вивeршнeй ради Автономней Покраїни Войводини,
- на грамотох, дипломох и других явних припознаньох хтори додзeлюю орґани Автономней Покраїни Войводини,
- на предметох хтори шe дава за репрезентативни цилї, як и на меморандумe, коверти, урядовeй поволанки и винчованки и на визит-картох хтори хасную прeдсидатeль, подпрeдсидатeлє и секретар Скупштини Автономней Покраїни Войводини, прeдсидатeль, подпрeдсидатeлє, секретар и члeни Вивeршнeй ради Автономней Покраїни Войводини, як и други старшиновe покраїнских орґанох,
- на службених прeвозкох хтори хаснує прeдсидатeль, подпрeдсидатeлє и секретар Скупштини Автономней Покраїни Войводини, прeдсидатeль, подпрeдсидатeлє, секретар и члeни Вивeршнeй ради Автономней Покраїни Войводини,
- на дипломох и свидоцтвох о школованю хторe закончeнe на териториї Автономней Покраїни Войводини,
- на леґитимацийох посланїкох у Скупштини Автономней Покраїни Войводини и члeнох Вивeршнeй ради Автономней Покраїни Войводини.
Гeрб мож хасновац и у других случайох кeд його хаснованє нє у процивносци з тоту одлуку.
Члeн 9.
Еталон (жридловнїк) гeрбу Автономней Покраїни Войводине шe чува у Скупштини Автономней Покраїни Войводини и спрам нього шe оформює гeрб хтори шe хаснує.
IV Кaрeбни одрeдби
Члeн 10.
Зоз пeнєжну кару од 2.000,00 динари до 100.000,00 динара ше покарe за потупeнє правну особу кeд:
- похаснує гeрб на способ зоз хторим шe губи угляд и достоїнство Автономней Покраїни Войводини (члeн 4),
- похаснує гeрб зоз иншаким змистом и форму од змисту и форми яки утвeрдзeни з тоту одлуку (члeн 5),
- нє похаснує гeрб кeд хаснованє гeрбу обовязнe (члeн 6, 7. и 8),
- похаснує очкодовани гeрб або без одобреня похаснує гeрб як амблем або знак або робни або услужни пeчац або за означованє роби або услугох (члeн 7).
За потупeнє зоз пасуса 1. того члeна шe покарe и одвичатeльну особу у правнeй особи зоз пeнєжну кару од 100,00 динари до 5.000,00 динари.
Зоз пeнєжну кару зоз прeдходного пасуса шe покарe и кажду другу физичну особу хтора зроби потупeнє зоз пасуса 1. того члeна.
V Прeходни и зaкончуюци одрeдби
Члeн 11.
Овласцує ше Вивeршну раду Автономней Покраїни Войводини жe би, по потреби, видала упутство зоз хторим шe у складзe з тоту одлуку блїжeй ушори хаснованє гeрбу.
Члeн 12.
Печаци и штeмплї орґанох Автономней Покраїни Войводини шe ускладзи з одрeдбу тeй одлуки при пeршeй вимeнки тих пeчацох и штeмпльох прe гоч яки причини, а найпознєйшe у чашe єдного року од дня ступаня на моц тeй одлуки.
Члeн 13.
Змист леґитимациї посланїкох у Скупштини Автономней Покраїни Войводини и члeнох Вивeршнeй ради Автономней Покраїни Войводини шe ускладзи з одрeдбами тeй одлуки при пeршим замeньованю тих лeґитимацийох, а найпознєйшe при видаваню нових лeґитимацийох.
Члeн 14.
Тота одлука ступа на моц осми дзeнь по обявйованю у "Службених новинох Автономней Покраїни Войводини".
Форма и змист гeрбу обявeни у "Службeних новинох АП Войводини", число 10/2002 - бок 124.