Подпрeдсидатeль Душан Яковлєв

Душан Яковлєв вибрани за подпредсидателя Скупштини Автономней Покраїни Войводини на першей схадзки Скупштини, хтора отримана 2. юния 2016. року.

Член є политичней странки Лиґа социялдемократох Войводини и член посланїцкей ґрупи "Лиґа социялдемократох Войводини" у Скупштини Автономней Покраїни Войводини.

Длужносци у Скупштини

• Подпредсидатель Скупштини Автономней Покраїни Войводини

Биоґрафия

Народзени є 30. юлия 1951. року у Сербским Итебею.

Основну школу и ґимназию закончел у Зренянину. Студирал социолоґию у Беоґрадзе.

Бул главни и одвичательни редактор библиотечних виданьох Библиотеки у Зренянину. Автор є проєкту Фонд "Тодор Манойлович" и Фонд "Борислав Михайловић Михиз", хтори кажди рок зоз Сербску читальню у Ириґу додзелює награду за драмску творчосц. Порушал вецей едициї и обявйовал тексти у домашнєй периодики.

Од септембра 2000. року бул союзни посланїк и шеф Посланїцкей ґрупи "Войводина". Бул и член делеґациї Сербиї и Чарней Гори у Парламенту Совиту Европи, дзе є анґажовани у Комитету за културу, науку и образованє и Комитету за защиту животного штредку, локални и реґионални питаня. Од 2003. року бул и подпредсидатель Вивершней ради АПВ, 2004. року є на тоту функцию меновани и у другим мандату, а од 2008. по 2012. року бул подпредсидатель Влади АП Войводини.

У Лиґи социялдемократох Войводини є на високих функцийох: од 1997. року по тераз є член Главного одбору ЛСВ: штири раз бул виберани за предсидателя општинского, односно городского одбору ЛСВ Зренянин, у двох мандатох бул член Вивершного одбору ГО ЛСВ, як и предсидатель Статутарней комисиї ЛСВ.

За подпредсидателя ЛСВ вибрани є на IV рядовим конґресу ЛСВ у децембре 2001. року. На тоту функцию є ревибрани и на наступним конґресу, у децембре 2005. року. На VI конґресу ЛСВ, хтори отримани у децембре 2008. року, вибрани є за предсидателя Политичного совиту ЛСВ.

Контакт

e-mail: djakovljev@skupstinavojvodine.gov.rs

Тел: +381 21 487-4138

Факс: +381 21 456-107

Скупштина Автономней Покраїни Войводини

Владики Платона бч

21101 Нови Сад

Република Сербия