Подпредсидатель Неманя Завишич

Неманя Завишич вибрани за подпредсидателя Скупштини Автономней Покраїни Войводини, на першей схадзки Скупштини хтора отримана 31. юлия 2020. року.

Член є Сербскей напредней странки и член посланїцкей ґрупи „АЛЕКСАНДАР ВУЧИЧ - ЗА НАШО ДЗЕЦИ.” у Скупштини Автономней Покраїни Войводини.

Длужносци у Скупштини

•подпредсидатель Скупштини Автономней Покраїни Войводини.

Биоґрафия

Народзени є у Вербаше, 4. мая 1992. року, одрастал и жиє у Змаєве. 

Основни и мастер академски студиї права закончел на Правним факултету Универзитету у Новим Садзе з високу просекову оцену. Положел правосудни испит.

Од 2016. по 2019. року бул заняти у адвокатскей канцелариї у Вербаше дзе робел преважно на предметох з виновного и гражданского права.

Член є Предсидательства Сербскей напредней странки.

На першу политичну функцию ступа по локалних виберанкох у Вербаше 2017. року, кед постава одборнїк у Скупштини општини Вербас и предсидатель Мандатно-имунитетней комисиї и на тих функцийох остава по виходзенє мандату 2020. року.    

Як член младежскей Сербскей напредней странки нащивйовал вецей дзешатки семинари, тренинґи и едукациї з обласци политичного лидерства и активизма, схопносцох комуникациї и прегваряня. 

З успихом закончел политичну академию Фондациї „Светозар Милетич“, двосеместралну образовну програму „ПолитиКАС“ у орґанизациї Беоґрадскей отвореней школи и Фондациї Конрад Аденауер, потим двосеместралну програму „Напредне лидерство у политики“ у орґанизациї Медзинародного републиканского институту, як и тромешачну политичну академию Роберт Шуман Институту. 

На поволанку орґанизациї „Friends of Europe“ участвовал як представитель младих зоз Сербиї на Балканским Самиту младих политичних лидерох „EU-Western Balkans“:  Enlargement, integration and challenge of transformation хтори отримани у Бриселу 2018. року.

Предсидатель є Надпатраюцого одбору Центру за фамелийне змесценє и усвоєнє Нови Сад, а у єдним мандату окончовал и длужносц предсидателя Совиту Месней заєднїци Змаєво.

Коло мацеринского сербского язика, бешедує по анґлийски. 

Оженєти є, оцец двоїх дзецох.

Контакт

e-mail: nzavisic@skupstinavojvodine.gov.rs

Тел: +381 21 487-4134; 487-4124

Факс: +381 21 456-107

Скупштина Автономней Покраїни Войводини

Владики Платона 1

21101 Нови Сад

Република Сербия